Россия армиясининг 5 март куни кечқурун Украинанинг Кривой Рог шаҳрига берган зарбасидан тўрт киши ҳалок бўлди. Камида 31 одам жароҳатланган, уларнинг орасида 14 кишининг аҳволи аввал оғир. Бу ҳақда ҳарбий маъмурият раҳбари Сергей Лисак ва шаҳар мэри Александр Вилкул пайшанба куни маълум қилди.
Ракетадан "Центральний" меҳмонхонасининг биноси жиддий шикастланган. Шунингдек, ўндан ортиқ кўп қаватли уйлар, почта биноси, дўконлар ва автомобилларга зарар етган. Қутқарув ишлари туни билан давом этди.
Украина президенти Владимир Зеленскийнинг баёнотига кўра, Россия зарба берган меҳмонхонага инсонпарварлик ташкилоти кўнгиллилари – Украина, АҚШ ва Британия фуқаролари жойлашган эди. Украина лидери улар ҳавфсиз жойга чиқиб улгургани учун омон қолганини билдирди.
Шунингдек Сумига урилган дрон зарбалари натижасида яна бир киши ҳалок бўлган. Дронлардан бири шаҳар четидаги омборга тегкан. ASTRA канали ҳарбий маъмуриятга таяниб, ҳалок бўлган шахс эҳтимол, у ерда қоровул бўлиб ишлаганини ёзди.
Шу куни Харьковда дрон кўп қаватли уйга тегиб, икки киши жабрланган.
Россия одатда Украинага урган зарбаларга изоҳ бермайди.